Наступная гульня з удзелам ФК Гомель адбудзецца...

Апошні тур чэмпіянату як і летась вырашаў лёс дрругога і трэццяга месца, але толькі сёлета наш клуб застаўся далёка за бортам гэтага супрацьстаяння. З усіх леташніх радасцяў паўтарылася толькі тое, што мы зноў дапамаглі апусціць самы "апалітычны" клуб РБ у турнірнай табліцы. Нягледзячы на перавагу ў першым тайме, каманда змагла знайсці ў сабе сілы памкнуцца і паказаць хто ж па сапраўднаму быў годны перамогі. Зялёна-белы сектар гэтак жа ўнёс сваё ўкладанне ў гэтую перамогу - паказаўшы прыстойны ўзровень шызы на працягу ўсяго матчу. У канцы гульні ўся каманда падышла да сектара і падзякавала сваіх фанатаў за падтрымку. У плане каляфутбола гэты дзень не рэалізаваў і дзесятай долі ад свайго магчымага патэнцыялу, хоць пачатак яго было пакладзена яшчэ суботнім вечарам. Гэты самы вечар частка гомельскіх каляфутбольшчыкаў правяла, гуляючы з мясцовай афой у хованкі і даганялкі, да якой, па чутках, наведаліся пагасцяваць іх дружкі з сталіцы. У нядзелю тыя ж самыя людзі, толькі ўжо ў значна большай колькасці, займаліся тым, што стройнымі шэрагамі прачэсвалі тэрыторыю каля "Цэнтральнага". Пошукавыя работы ні якіх дадатных вынікаў не далі. Адна частка шуканых ужо знаходзілася ў асяроддзі клапатлівых супрацоўнікаў МУС у адстойніку пад стадыёнам, іншая з'явілася ў канцы першага тайма, а трэцяя, пэўна самая шуканая, у пачатку другога тайма. Лагічным завяршэннем дня сталі праводзіны заўзятараў "пралетарскай" каманды з горада Светлагорска. Відаць, лагічным было і то, што да самога Светлагорска гэтыя самыя асобы не выявілі ні найменшага жадання да дыялогу. Усім дзякуй (і за халяўныя праграмкі таксама)! Сезон скончаны. Фота глядзець тут.

Нешматлікія аматары футбола прыйшэлыя на зваротны матч 1/8 кубка ўбачылі багатую на галы, але не вельмі відовішчную гульню каханай каманды. Сектар у гэты дзень таксама не сабраў шмат народа, што аднак не перашкодзіла добра адшызець увесь матч. Госці з Пінска ўшанаваць сваёй прысутнасцю горад над Сожам у гэты дзень не знайшлі час. Фота глядзець тут.

Выезд у Магілёў наведала парадку 65 зялёна-белых. Падчас матчу на гомельскім сектары быў вывешаны банэр у падтрымку заўзятара "Црвены Звезды" асуджанага за напад на паліцыянта - "Правда за Уроша!". 19-летні хлопец атрымаў за свой учынак тэрмін параўнальны з тэрмінамі, якія атрымоўваюць гвалтаўнікі і забойцы - 10 гадоў. Мясцовыя супрацоўнікі, відаць, не прасякнуліся атмасферай салідарнасці сусветнай фанацкай грамадскасці і ліквідавалі банэр, які ледзь правісеў першыя паўтайма.

Гульня праходзіла ў будны дзень і яшчэ ў дадатак да гэтага у Маладзечна, што не магло не адбіцца на выязной статыстыцы – якая склала ўсяго толькі 18 чалавек з Гомеля. Хоць, дарэчы, з такімі жа праблемамі сутыкнуліся і намінальныя гаспадары паляны. Але гэткая малая колькасць не памяшалa абодвум калектывам сустрэцца ў горадзе ў фармаце 17 на 14. Але што ж насамрэч памяшала давесці да лагічнага канца гэтую сустрэчу - застаецца загадкай і на сумленні ўдзельнікаў з абедзвюх бакоў. Фіналам магчымай сустрэчы стала вязалава пэўнай колькасці гамяльчан і транспартоўкай іх у аддзел. Пряцяглыя ды безвыніковыя спробы выцягнуць сваіх паставілі крыж на ініцыятывах жодзенцаў сустрэцца пасля гульні. Гульня, між тым, завершілася ўпэўненай перамогай ФК Гомель.

У гэты дзень у Наш горад завітала беларуская зорка ЛЧ. Гэта можна было бачыць па нязвыкламу ажыятажу вакол білетных кас перад самым пачаткам матчу - адразу станавілася зразумела, што ўсе гэтыя асобы, у такіх небывалых для апошняга часу колькасцях, прыйшлі наглядаць за гульнёй барысаўскага футбольнага клуба з чатырох літар. Упэўніцца ў вернасці зробленых высноў можна было ўжо ў канцы другога тайма, калі гэтыя гомельскія “аматары футбола”, не чакаючы фінальнага свістка, дружнымі калонамі пакідалі "Цэнтральны". Хоць і іх у нейкай меры, таксама, можна зразумець: пасля гульні якую паказаў ФК Гомель у першым тайме - ўсім вельмі моцна верылася ў цуд, але ўжо пасля 59 хвіліны стала ясна, што аніякага цуду сёння не будзе. Яшчэ ў гэты дзень варта адзначыць добры ўзровень шызы зялёна-белага сектара. Нягледзячы на паразу, каманда амаль у поўным складзе падышла да сектара і падзякавала за падтрымку. Гэтак жа нядрэнна на працягу ўсёй гульні глядзеліся і прыезджае супарцеры, якія нажаль, для некаторых зацікаўленых жыхароў горада Гомеля, з'явіліся пад самы пачатак матчу ў суправаджэнні супрацоўнікаў МУС. Фота глядзець тут.

Каманда пасля «феерычнай» хатняй гульні з Шахцёрам уляцела на выездзе ў гэты раз ужо лідэру ніжніх радкоў чэмпіянату, адкак ужо з меней выбітным лікам. Сам выезд цалкам можна параўнаць з гульнёй зялёна-белага ФК - ён атрымаўся такім жа будзённым і несамавітым. За бязладдзем на поле назірала 22 чалавека з горада над Сожам.

У гэтую нядзелю, абвешчанае ў горадзе "Днём цвярозасці", Наш ФК атрымаў сур'ёзную аплявуху ад Шахцёра ў выглядзе 6 прапушчаных галоў. Вынік гаворыць сам за сябе. Застаецца спадзявацца на тое, што каманда і наша кіраўніцтва здолее зрабіць з гэтай паразы "цвярозыя" высновы…

Абласное дэрбі наведала нядрэнная колькасць чалавек - больш за 90. Характэрна, што некаторыя з іх прыехалі ў Светлагорск наўпрост з Львова. Да гульні група прыезджых спаборнічалі з мясцовымі апанентамі ў бегу на сярэднія дыстанцыі. Ва ўсіх забегах перамогу атрымалі светлагорскія спартоўцы. Ужо падчас матчу ўсё тая ж група наведалася на светлагорскі сектар, каб выказаць сваё захапленне фізічным кандыцыям хлопцаў. Але хлопцы павялі сябе вельмі сціпла і зрабілі выгляд, што ні каго не заўважылі. Тым часам ФК Гомель дзякуючы двум мячам у першым і ў другім таймах, пасля якога на гомельскім сектары запалілі фаер, прайшоў далей у 1/8 кубка. Фота глядзець тут.

У Віцебск з Гомеля падтрымаць свой клуб адправілася каля 40 чалавек, але ў выніку розных спрэчак на сектары апынулася не больш 35 фанатаў. Першы тайм прайшоў не ў нашу карысць, але ў другім Гомель рэабілітаваўся і зраўняў лік. Гэтак жа ў гэты дзень прыезджыя фанаты сумесна з віцебскімі хлопцамі паўдзельнічалі ў накрыве мясцовай афы.

Вельмі доўгачаканая перамога роднага клуба адбылася. Адносіць яе да разраду феерычных дасягненняў не варта. Маючы перавагу ў два мяча, каманда была блізкая да таго, каб у чарговы раз пакінуць газон "Цэнтральнага" з абаранкам у актыве перамог. Але Наш ФК здолеў своечасова памкнуцца і пераламаць зыход гульні на сваю карысць. Спадзяемся, што гэтая валявая перамога дапаможа клубу хутчэй пераадоліць склалаўшыяся абставіны. Акрамя доўгачаканай перамогі матч адзначыўся тым, што пасля доўгага перапынку аднавілася падтрымка клуба на хатніх гульнях. Сектар, як дарэчы, і ўвесь стадыён не адрозніваўся ў гэты дзень масавасцю. На матчы быў прэзентаваны новы банэр «Никогда не сдаваться». Фота глядзець тут.