Другая гульня на родным стадыёне не прынесла чаканых станоўчых эмоцый. Лік гаворыць аб усім. Перад пачаткам гульні і ў пачатку 2 тайму былі падняты расцягі з партрэтамі ўсяго складу каманды, партрэт А.Юсіпца і надпіс "НАПЕРАД ЗА ГОМЕЛЬ!". Гэта быў, магчыма сказаць, працяг нашага "трыбуннага дыялогу" з Юсіпцом. У сваім блогу, каментуючы партрэт на нашым сектары ў гульне з Віцебскам, Андрэй Міхайлавіч выказаў думку, што калі ў кожнага гульца ФК Гомель будзе такі партрэт, тады і гульня будзе больш дасканалай. Мы гэта зрабілі. Аднак... лік на табло. На сектары - каля 100 зялёна-белых. Ня гледзячы на невялікую колькасць, шыза была на прыстойным узроўні, нават лепш, чым на мінулай хатняй гульне. Застаецца верыць у лепшае і ў тое, што Юсіпец застанецца на сваёй пасадзе.